ازاى تنضفى عيون البوتجاز

مشكله تنضيف عيون البوتجاز من اصعب المشكلات اللى بتواجهنا وبالذات لو كان البوتاجز عندك بقالو فتره (شويه حلويين)

بتحسّى ان العيون قلب لونها اسود واستحاله ترجع للونها الطبيعى تانى
وعشان كده هقولك شويه خطوات تعمليهم عشاااان ترجع العيون زى ماكانت واحسن كماان:
1-تشيلى كل العيون السوده اللى عندك( بس قبل ماتشيلى تتأكدى انها مش سخنه عشااان ايدك)
2-تانى حاجه حطى عيون البوتجاز بعد ماتفكيه فى حله فيها (ميه بس تكون سخنه+قشر ليمون او ليمون عموما +كربونات الصودا+خل)
3-سخنى الميه وحطى فيها عيون البوتجاز محطوط على الميه الحجات اللى كتبتهالكِ فوووق وحطيها لمده 6ساعات على الاقل كده عشان تتنقع فيها كويس .
4- بعد كده اجيب سلك مواعين نضيف (من النوع اللى مبيصديش زى بتاعنا كده ) وادعكى بيها العيون بس ديه لوكانت بايظه خالص ومليانه شحوووم( يعنى مش شايفه فيها لون الاستنالس الابيض اصلا) .
- اما اذاكانت فيها سواااد خفيف وبدأ يروح مع الميه السخنه استخدمى سفنجه طريه عشان متجرحش الاستنالس
5-بعد كده شيلى العيون واشطفيها فى جردل تانى فيه بقى (ميه سخنه+صابون+كلوركس) وده عشان االدهون والبقع السودا اللى فيها تتشال بس لازم فى المرتين ميه سخنه وتحطيها فيها حبه حلويين.
(يعنى كل ماتحطيها اكتر تتنقع فى الميه السخنه كل ماتسهل عليكى وانتى بتدعكيها )
وبرضو ادعكيها تانى عشااان تنضف خاااالص من السواااد الباقى اللى مكنش عاوز يطلع فى المره الاولانيه
(عاوزك تعرفى حاجه ان الطريقه ديه هتتعبك اوى فى اول مره بس بعد كده هتسهل عليكى كتير جدا )
فى الاخر نشّفى الميه بفوطه مخصوصه بتاعت المطبخ من عيون البوتجااز وشوفى النتيجه!!!!
جربى كده وقوللنا نفعت معاكى ولا ؟؟؟؟مستنيه رايكم؟؟