نظافة بيتك جزء من شخصيتك
هو انا بصراحه حابه النمل فى انو مكافح زى ماكنا بنقرأ عنو فى المدارس بس اللى بيعملو فى البيت ده مينفعش اسكت عليه
وعشان كده شفتلكو شوية طرق عشان نتخلص منها فى شوية خطوااااات؟؟؟؟
1- فى الاول هنتخلص منو عن طريق الخل : يتحط الخل فى بخاخه وتترش على مداخل النمل واماكن تحركو وحوالين المطبخ والابواب والشبابيك (الاماكن اللى ممكن يكون فيها).
2- لو منفعش الخل ممكن نستخدم الاعشاااب اللى فيها ريحه( زى النعناع والقرفه والقرنفل والكافور) نستخمو ازاااى ؟؟
حوالى( 10 -20) قطره من الزيوت ديه فى بخاخه صغيره ونرش بيها على مداخل النمل واماكن اللى بيمشى فيها و ممكن نستخدم الليمون بنفس الطريقه.
3- ممكن نستخدم التوابل كمااان: يعنى ايه ؟؟؟؟
لو معندكيش زيوت (النعناع-القرفه-القرنفل-الكافور) ممكن نستخدم مسحوق الكنعناع او الكرنفل او الكافور او الشطه نحطها مع شويه ميه فى اماكن تواجدهم ومداخل بيوت النمل .
4- ممكن كماان نستخدم الكحول : نملى البخاخه نصها ميه ونصها التانى كحول وتترج كويس وتترش على اماكن اللى موجود فيها ومداخل بيوت النمل وتعمليها لكام يوم لغايه مايقضى عليهم .
5- ممكن نستخدم كمان الطباشير او بودره الاطفال (التلك) : وده ازاااى بقى ؟؟؟
نرسم خطوط بالطباشير على حوالين مدخل بيت النمل وعلى ممراته عشااان النمل مبيعديش الخطوط ديه اصلا (خلى بااالك).
6- ممكن نستخدم كمااان عجينة البوريكس : وده تتتعمل ازاااااى ؟؟؟؟
(ملعقة سكر مع ملعقة لبن بودره مع ملعقة من البوريك (هتلاقيها فى الصيدلية او عند العطار ) وتعجنيها بشوية ميه
وتتعمل على شكل كرات صغيره تتحط فى اماكن بيوت النمل
(بس خلى بالك البوريك ده سااام وخطر فابعديه عن اطفالك )
وممكن تستخدميه تمسحى بيه الارضية مع شوية ميه .
7- ممكن نتخلص من النمل عن طريق عجينه الصودا : وده تتعمل برضو ازااااى؟؟؟
الطريقه ديه اكتر اماااان من اللى فاتت هتستخدمى فيها معلقة صودا الخبز (خميرة بيرة) مع معلقة من السكر وتعجنيها على شكل كرااات صغيره وتتحط فى اماكن اللى موجود فيها النمل ...ليييه؟؟؟
عشااان النمل بيحب السكر والصودا بقى هتقتلهم كانها مصيده يعنى .
8- اخر طريقة عن طريق السمسم : يتحط السمسم فى طبق مكشوووف قريب من تجمعات النمل ...ليه برضو ؟؟؟
عشان السمسم بيعطّل حاسه الشم عند النمل واللى هو بيعتمد عليه عشااان يلاقى الاكل بتاعو .
(عندك طرق كتيره اختارى منها اللى يناسبك ..ومش عيب انك تجربى وتتعلمى عشاااان ده نضافة بيتك وفى وشك النضافه بتاعتو
وحطى فى دماغك انك #ست_بيت_شاطره )
ليست هناك تعليقات:
إرسال تعليق