1-فى الاول لازم تنضفى سيراميك (كنس ومسح) بيتك على الاقل مرتين فى الاسبوع عشاااان التراب ميملاش السيراميك ويعمل بقع وتعانى بعد كده فى تنضيفه او ممكن تبوظى شكل السيراميك بعد كده وانت بتنظفيه.
2- وانتى بتنضفى استعملي مساحه او فوطه ناعمه مخصصه للسيراميك وبلاش اى حاجه خشنه عشان متجرحيش السيراميك.
3-اما نجى للفوارق اللى بين السيراميك (الجبس يعنى)فى حلين :
-لاما تستخدمى فرشة سنان قديمه عشان تعرفى تخرجى الاوساخ من الفوارق ديه
-لاما تستخدمى البلور (اله البخار )عشااان تشيلك الاوساخ اللى مش هتعرفى توصللها بالبخاااار
4-استعملى منضف درجه حموضته قليله مع الميه (زى محلول الصابون)
(والاحسن تستخدمى اى منضف مصنوع من مكونات طبيعيه عشان تحافظى على السراميك اطول فتره ممكنه)زى:
-كبايه ميه
-كوبايه خل ابيض
-كوبايه كحول
-شويه صابون سايل من اللى بتستخدميهم لغسل الاطباق
-واستخدمى زيت اسمو(الافندر) ..ليه؟؟
وده عشان يشيل ريحه الخل وعشان هو مضاد للبكتيريا
وحطى كل ده فى بخاختك واستعمليها فى التنظيف
5-ابعدى عن المُبيضااات او اى منضفات بيدخل فى تركيبها نشاادر
(عشاان ده ممكن يشيل لون السيراميك ) .......... فخلى بالك!!!!
6-امسحى فى الاخر السيراميك من الميه والصابون بمنشفه الناعمه اللى اتفقنا عليها وبليها بشويه خل عشان تشيل كل الميه ...(وكمااان عشان محدش يتزحلق ويتعور )
7-حطى مشّايات فى مداخل كل الاوض اللى عندك عشان تحافظى على السراميك من التراب
بعد تنشيف السراميك من الميه:
فى الاخر فى ناس بتستخدم (شمع تلميع العربيات )مره فى السنه تلمّع بيه السراميك ويفضل علطول بيلمع
تعملى عجينه من (الميه مع كربونات الصودا ) وتجيبى فرشه السنان وتدعكى بيها الفوارق بين السراميك (الجبس يعنى)وبعد ماتخلصى هاتى حته قماش ناشفه وامسحى بواقى العجينه ديه .
وده عشان تنظفى الجبس(الفوارق بين السراميك) ويرجع زى ماكان
جربى كده الطرق ديه وقللنا نفعت معااكى ولا ؟
ليست هناك تعليقات:
إرسال تعليق