ازاى تنضفى التلاجه بتاعتك بطريقه سهله وبسيطه

فى الاول قبل ماتنضفى تلاجتك لازم تفصلى الكهرباء عنها(تشيلى الفيشه) عشان مش تتكهربى منها وانتى بتنضفيها
وكمااان عشان تدوبى التلج بتاااع الفريزر قبل ماتغسلى التلاجه عشان تسهل عليك غسيل الفريزر.
دلوقتى بقى هقولك على خطوااات تعمليها عشان تنضفى تلاجتك:
1-شيلى كل حاجه فى التلاجه وحطيها على التربيزه بعيده عنك عشاان تعرفى تتحركى بحريه وانتى بتنضفي التلاجه .
2- شيلى الادراج و الرفوف من التلاجه عشان يبقى سهل عليكى تنضفى الامكان الضيقه والمستخبيه فى التلاجه براحتك.
3- اغسلى الادراج والرفوف فى ميه سخنه محطوط فيها (كلوركس او بيكنج صودا+خل +ليمون+ صابون سائل)
وده عشاااان تشيل كل البقع اللى عندك
4-استخدمى فرشه سنااان قديمه عشااان تنضفى بيها مكان البقع العنيده اللى فى الرفف والادراج وهتبقى سهل تنضفيها بعد ماتغسليها بالميه السخنه وبعد كده نشفيها كويس بفوطه وسيبها لغايه ماتنشف خاااالص .
5-هاتى طبق وحطى فيه بيكربونات الصوديوم(بيكنج صودا) +صابون سائل +خل
وحطيهم فى شويه ميه سخنه بس مش كتيررر عشان اما تنشفى التلاجه يبقى سهل عليكى تنشفيها
وادعكى بيهم التلاجه من جوه وبالذات اماكن الادراج والارفف كماااان استخدمى الفرشه فى الامكان اللى فيها بقع صعبه ...خلى بالك
6-هاتى فوطه ناعمه وامسحى بيها التلاجه وخلى بالك متسبيش ميه خااالص فى التلاجه
7- امسحى التلاجه من بره بالميه والصابون بس باسفنجه فيها شويه ميه عشااان تسهلى عليكى وانتى بتنشفيها من الميه
وعشااان تحافضى على التلاجه من غير مايطلع فيها عفن او بكتيريا شغليها بدرجه الحراره اللى مكتوب فى الكتالوج بتاعها +امسحى اطراف التلاجه من بره (الطوق المطاطى بتاعها ) عشااان متعفنش وتصدأوفى الاخر لازم اقولك حطى فيها شويه فحم عشااان تغيرى ريحتها وتمتصى الروائح بتاعتها
(واحسلك تغسلى تلاجتك كل 10 ايام عشااان متربيش عفن او وساخه وبقع )
وقوللنا طريقتنا نفعتكم ولا ؟؟؟ مستنيه رأيكم؟؟؟