ندمان إنك إتجوزت؟؟؟
اه فعلا وجع دماغ..
الجواز مطلعش زى الافلام والست مطلعتش زى الزوجات اللى بنشوفهم فى التلفزيون بيطبخو بلبس خروج وشعرهم مفكوك ولابسين كعب عالى؟؟؟ ايوووة فعلا
طب بتسبها تروح الكوافير ؟؟
لا وانا اعمل إيه بالعيال
طب بتسبها تقعد مع نفسها شوية وتلعب إنت مع ولادكم؟؟؟
لا مفيش وقت
طب بتقولها كلمة كويسة تحسسها بنفسها فى عنيك؟؟؟
لا الجو ده مليش فيه!!!
طب بتبطل تبص على غيرها قدامها سواء تلفزيون او فى الشارع؟؟
هى بتبقى مشغولة بالعيال اكيد مابتاخدش بالها وبعدين النظرة الاولى لية!!!!
طب إنت مهتم بنفسك فى البيت ولا بالفانلة وبتقول البيجامات بتخنقنى؟؟
انا فى بيتى لازم ابقى على راحتى وبعدين الست هى اللى متطالبة بالإهتمام!!!!
طب لما بتشترى حاجة جديدة بتقولها حلوة عليكى ولا اه ده بكام؟؟؟
لا والله مليش خلق ع الحوارات دى!!!
طب هى إزاى هتتغير؟؟؟
الست الشاطرة تعرف تغير فى كل الظروف!!!
طول ماعندك مبررات لندمك على الجواز طول ما كان العيب منك إنت ...حاطط رجل على رجل على اساس إيه المريسة؟؟؟!؟؟؟
عشان المشهد اللى بتتفرج عليه فى الافلام يطلع حلو
ده مش بطلة بس!!
ده تفكير وتخطيط وإضاءة على اجزاء حلوة من حياتنا وإخراج متقن لأمور بيتكم وإنتاج عشان المظهر اللى يليق والاهم إبتسامة مش تكشيرة عشان الصورة تطلع حلوة..
المشهد الحلو كان نتيجة محاولات كتييرة للإصرار على النجاح..إنتظار السعادة سذاجة ولا إيه رأيكم؟؟
ليست هناك تعليقات:
إرسال تعليق