المقادير:
كوب عدس أسمر
2 كوب رز
الطريقة:
كمية العدس لازم تكون 1\2 كمية الرز..
اسلقي العدس..و لما يوصل لدرجة انك تقدري تندغيه حطي الرز..و زودي المية..حطي معلقة في وسط الرز و ابدأي في اضافة المية..و لما تحسي ان المعلقة هتبدأ تتحرك اقفي..و سوي الرز بعد كدة عادي..
اسلقي مكرونة صغيرة
الصلصة:
-----
المقادير:
10 فصوص ثوم
عصير طماطم..لتر أو حسب رغبتك..
الطريقة:
دقي التوم مع الملح و الفلفل و كزبرة ناشفة..
حمريهم في السمن..و بعدين ضيفي الطماطم..و سيبيها تتسبك..
الدقة:
---
المقادير:
فلفل أحمر..ناشف أو عادي..حسب الرغبة..
5 فصوص توم..
1\2 كوب خل..
1 كوب ماء..
ملح+كمون+كزبرة ناشفة
الطريقة:
اضربي كل المكونات في الخلاط..(ضربا مبرحا على رأى عادل امام في مسرحية الواد سيد الشغال)
الحمص:
-----
انقعي الحمص من قبلها بيوم..و بعدين اسلقيه..
عند التقديم..
المكرونة..الرز..الصلصة..البصل. .الدقة..الحمص
بالهنا و الشفا
