عندك بنوته ............
تعالي معايا وعلميها الدلع اه ليه لا مش احسن متطلع خايبه زيك تتعلم علي كبر خليكي ناصحه وعلميها الدلع من صغرها
بس الاول الدلع مش معناه المياعه والنوم وانها متبقاش مسؤوله لااااااا الدلع سلوك انثوني موجود في تكوين كل بنت بس في ناس بتنميه و ناس بتدفنه عشان كده علمي بنتك الدلع والدلال بحركات بسيطه بس قبلها كوني انتي قدوتها دلعي نفسك عشان بنتك تقلدك وتبقي دلوعه زيك
أولا /مظهرها الخارجي:
اهتمامها بنفسها - شعرها - لبسها - اكسسواراتها - دولابها -فساتينها - لعبها,,,,
فـــي الـبـيـت
- لبسيها بجامة ناااعمه وشراب ولكلوك حلو
في الشتاء او شبشب دلوع في الصيف وعلميها ان البيجاما للنوم وبس
انما طول اليوم لبسيها طقم رقيق تي شيرت و جيب او شورت او بنطلون وشبشب لايق عليهم كمان
علميها اول ما تصحى الصباح تغسل اسنانها وتتوضأ وتصلي
هاتي لها برنس حلو تلبسه لما تاخد دش وتخرج بيه من الحمام
هاتي لها فوط خاصه بيها وتكون مدلعه ولما تكون كبيره شويه ممكن تجيبي لها فوطه تنشف بيها المنطقه الحساسه وعلميها تنشف برااااااااحه
عوديها تغير البانتي علي الاقل مره كل يوم اول متصحي من النوم
هاتي لها برفان طفولي مناسب سنها زي جونسون ول كبيره هاتي لها برفان بناتي مسكر ابوس ايدك برفناتك لا دي طفله
وانتي بتشتري لها لبسها اديها فرصه تختار وعلميها ازاي تنسق هدومها ولما تيجي تلبس خليها تختار الي تلبسه حتي لو مش عاجبك اديها فرصه تعبر عن نفسها وبعدين علميها الاحلي
خدي رايها في لبسك لو اكبر من 10 سنين وقولي لها ايه رايك وانهي طرحه لايقه وطلعي لي اكسسوار مناسب من حاجتي
تقديرك ليها بيزرع ثقتها في نفسها وثقتها في نفسها نوع من انواع الدلال عمرك شوفتي دلوعه معندهاش ثقه بنفسها ؟؟
العلم في الصغر كالنقش علي الحجر اصبري عليها وبكره تفرحي بيها
اشتري لها ادوات عنايه خاصه بيها لبشرتها وجسمها وعلميها تحط زبده كاكاو علي شفايفها باستمرار وتكون خاصه بيها مش من حق حد يستخدمها
خليها تلبس اكسسورات اطفال وحطي تحت كلمه اطفال مليون خط اوعي تلبسيها حاجه اكبر من سنها وتفرحي بنفسك حافظي علي برائتها
عوديها تعتني بشعرها لان داه تاجها وتسرحه بفرشتها الخاصه وابدعي في تسريحات لشعرها دوري علي النت واتعلمي واعملي لها بس ابوس ايدك متشديش شعرها وتنحليه
في الافراح اعرفي ان مظهر بنتك بيكمل مظهرك مينفعش تبقي متشكيه وملبساها جينز لبسيها فيتان رقيق منفوش وسرحي شعرها تسريحه حلوه وحطي لها توكه بتلمع او تاج رقيق وابوس ايدك بلاش روج ولا مكياج برائتها في رقه ملامحها
حطي لها مناكير بس اتاكدوا لاني سمعت انها خطر وبتصبغ ضوافرهم بس نقول من 5 سنين حطي لها
وعلي حسب الخروجه حددي لبسها مينفعش رايحين النادي وتلبسيها بنطلون ابيض او كلون ابيض وتقولي لها لو وسختي نفسك هقطعك دي طفله سيبيها تنطلق
في الشتاء هاتي لها ايس كاب حلو و كوفيه وجوانتي يكون لونه متناسق ورقيق
حاولي تخلي اوضتها وحاجاتها بتقول انها بنت سواء الوان او موديلات مش عشان البطانيه عجبتك ارزعيها للبنت وخلا نقي لها حاجه رقيقه مش لازم كرتون بس الوان بنوتاتي
احضني بنتك وبوسيها وقولي لها انك بتحبيها كتييييييييييييير
حصنيها بالقران و حفظيها علي قد متقدري من كتاب الله
علميها الصلاه ولما تروحي النادي خديها من اللعب قولي لها تعالي مع ماما نصلي
علميها الاخلاق الحميده وانها تحافظ علي نفسها ومتسمحش لحد يأذيها ولا يقرب منها وخاصه لو غريب متعرفوش
علميها تتكلم بصوت واطي و هادي بس قبلها وطي صوتك انتي الاول
احكي لها حواديت هادفه تعلمها حاجه وياسلام لو عودتيها علي قصص الانبياء
علميها الاتيكيت والصح والغلط و الذوق بس ابدئي بنفسك
عوديها تسلم علي الكبار باحترام
عوديها متقعدش في قعده الكبار وتسمع الي بيتقال والي تسمعه متنقلوش لحد حتي لو بابا ......... ( بس لازم تعوديها تحكي لك كل حاجه )
عوديها تاخد من مصروفها وتروح تدي للفقراء
حببيها في انوثتها ومتفضليش اخوها عليها
من وقت للتاني هاتي لها هديه بنوتاتي من غير مناسبه
شجعي مواهبها
اديها فرصه تعبر عن نفسها واحتويها واحتضنيها
اخيرا ربنا يهديهالك ويفرحك بيها وتشوفيها عروسه قمر يارب
ليست هناك تعليقات:
إرسال تعليق